katrín.is

9.
mar

19. febrúar 2009 fór ég til afríku með ástu og margréti ágústu vinnuvinkonum mínum eftir að okkur var sagt upp

21. febrúar 2010 fór ég til afríku, líka með tveimur vinnufélögum, reyndar af hinu kyninu og við erum ennþá með vinnu.. og í þetta skiptið kom sissi líka með

ferðin í ár var heldur styttri þar sem stefnan var bara tekin á kilimanjaro og aftur heim..

þetta var ótrúlega gaman, við fórum Lemosho leiðina, sem er lengsta leiðin á fjallinu og með hæsta success rate-ið, enda munar um auka dag eða tvo í hæðaraðlögun

gangan gekk rosa vel og var frábær, við vorum ótrúlega heppin með guide en það var bruce, skuggalega harður guide, búinn að taka allskonar sömu fjallanámskeið og sissi og allt, sem leiddi okkur á toppinn ásamt Faraja

ég mæli með leiðinni og mæli með Bruce fyrir þá sem eru að pæla í að fara þarna

þetta var eiginlega eins og 6 dagar af frekar auðveldu trekki (sérstaklega fyrir þá sem kunna að koma sér vel fyrir í tjaldi), svipað og hæk á íslandi nema þarna er tjaldað og eldað fyrir þig.. og þú þarft bara að bera vatnið þitt, snacks og regnföt yfir daginn

toppadagurinn er svo heldur ekkert voða erfiður fyrir utan þunna loftið, það er reyndar mikil hækkun en það er farið svo voðalega hægt yfir.. ætli ég geti ekki sagt að öll ferðin hafi verið ótrúlega pleasant nema svona síðasti 1-1 og hálfur tíminn á toppinn

allt er best með sissa

hópurinn

krúið okkar

kl. 23:05 | holla ( 0 )

13.
feb

ég er að spá í að byrja bara að hlakka til sumarsins fyrst það ætlar ekki að koma vetur...
kl. 12:25 | holla ( 4 )

30.
jan

meira fínt íslenskt...
halldór helgason er ekkert smá flottur gæi, rookie of the year skv snowboarder magazine (bróðir hans vann í fyrra)

tjekkið á vídjóinu á síðunni, það er geðveikt!

(meira á helgasons.com)
kl. 16:33 | holla ( 4 )

vinir mínir í dexoris eru að gera fáránlega góða hluti með iphone/ipod touch appin sín

endilega kjósið audio puzzle sem best app ever, áfram ísland!
kl. 15:52 | holla ( 1 )

28.
jan

mér var farið að finnast pressan uppáhalds fréttamiðillinn minn (á eftir vefþjóðviljanum að sjálfsögðu) af því það eru engin komment þar.. en þá er þessi sölvi að reyna að skemma þetta fyrir pressunni með endalausum dylgjum, mér finnst ég alltaf vera að sjá hann æla einhverju þarna út og þurfa svo að leiðrétta í næstu færslu "ó heyrðu þetta sem ég sagði áðan var bara bull, ég bara nennti ekki að kynna mér það áður en ég sagði það"

glatað
kl. 19:55 | holla ( 1 )

21.
jan

passið ykkur á hreyfingu

Hreyfing er greinilega í einhverjum vandræðum því hún sendir ítrekað reikinga á gamla viðskiptamenn.. nú veit ég ekki hvort trikkið sé að reyna að láta fólk ekki taka eftir því (sem betur fer er ég ekki lengur með sama kreditkort og ég var með þegar ég var í viðskiptum við þau, eflaust væri þetta annars bara skuldfært af því)

Ég hætti í viðskiptum við Hreyfingu í maí í fyrra af því þau ákváða að breyta aðildinni minni. Ég var með betri aðild vegna þess að þá hafði ég aðgang að innipottinum en þegar ég kom heim frá afríku var búið að taka það úr pakkanum. Gott og vel, ég sagði upp og færði mig í aðra stöð.

Í desember fékk ég svo reikning frá þeim um að greiða mánaðargjald fyrir betri aðild.. ég hringdi en fékk ekki að tala við neinn "sendu konunni bara meil, nei það má ekki tala við hana en hún svarar öllum meilum"... ekkert svar þannig ég hringdi aftur "ég skal ítreka við hana að svara meilinu, þetta verður fellt niður"

svo beið ég áfram og loksin kom svarið "þú hefur ekki sagt upp áskriftinni"

sem mér fannst pínu spes svar þar sem ég var greinilega ekki búin að borga neitt í marga mánuði.. heppilega fyrir mig samt, þá sagði ég upp áskriftinni í tölvupósti, og ég átti hann ennþá (ásamt staðfestingu starfsmanns hreyfingar)! annars hefði ég örugglega ekki haft neitt í höndunum um að ég hefði sagt upp!

loksins þá fékk ég reikninginn felldan niður.. eftir 2 símtöl og 3 e-mail. sem mér finnst persónulega alveg 1 símtali og 3 e-mailum of mikið til að losna við reikning sem hreyfing hefur enga heimild til að senda á mig

mjög klár markaðsskona sagði einu sinni við mig að þú getur reynt að gera það sem þú getur til að stýra því hvernig ímynd fyrirtækisins þíns er, en þetta kemur allt niður á hvernig almannarómur er.. þannig ég sagði farir mínar af samskiptum við hreyfingu ekki sléttar við hvern sem heyra vildi og fékk að heyra ó svo margar sögur í staðinn þar sem fólk hefur verið að fá random reikninga og ekki geta losnað við þá og lent í allskyns veseni (hér eru nokkur dæmi)

og ástæðan fyrir því að ég er að skrifa þetta hérna núna?
ég fékk reikning frá Hreyfingu.. æfingagjöld í febrúar (með seðilgjaldi og allt)
kl. 17:46 | holla ( 15 )

11.
jan

ég er sko ótrúlega sátt og montin núna.. EVE online var valinn game of the year! hvað er meira awesome en það? ég er svo lukkuleg með að vera hluti af þessum hóp sem vinnur við að búa til þennan magnaða leik!
kl. 22:35 | holla ( 2 )

6.
jan

ahh þegar ég held endanlega að ég sé orðin has been þá fæ ég að vera álitsgjafi hjá fréttablaðinu OG í smá prófíl á miðjunni
kl. 20:16 | holla ( 6 )

28.
des

ég var að pæla í upprisu bloggsins um daginn, svona þegar fólk er aðeins of mikið farið að nota vinalistana sína á facebook fyrir plögg

þetta er allt að gerast sko.. þessar eilífu hnýtingar egils helgasonar og hannesar hólmsteins eru til dæmis farnar að minna skuggalega mikið á bloggrifrildin back in ´01 and ´02

þá var sko gaman að blogga!
kl. 23:10 | holla ( 3 )

27.
des

jólin mín voru ótrúlega góð. borðaði hrikalega mikið af góðum mat, eyddi miklu tíma með fjölskyldunni og fékk frábærar gjafir.

sissi gaf mér svolítið sem ég bjóst alls ekki við, mynd af mér eftir ragnar hansson

mér finnst hún ótrúlega flott og býst við að þetta sé að fara að koma aftur inn, að fólk láti gera svona portrett myndir af sér (sissi ætlar að láta mála mynd af sér á prjónandi hvítum hesti í síðum rauðum jakka og með stóran svartan hatt)

(smell fyrir stærri)

búin að finna stað fyrir myndina og hlakka mikið til að koma henni upp

fékk svo flip cameru frá vinnunni sem er ótrúlega svöl græja.. er ennþá að gera upp við mig hvort ég eigi bara að skella vídjóunum á facebook (er að fíla aðgangsstýringarpælingarnar þar.. en á móti kemur þá get ég ekki póstað þeim hér) eða hvort ég eigi að nota youtube eða vimeo.. einhver með hugmyndir?
kl. 13:05 | holla ( 6 )

24.
des

gleðileg jól

kl. 16:30 | holla ( 2 )

21.
des

ég var að lesa nýjasta edge

forsíðumyndin er úr dust 514 og í blaðinu er spennandi grein um leikinn og myndir, reyndar er blaðið svo fínt að það sómir sér vel á sófaborðinu

annað spennandi er umfjöllun um ísland og þá aðallega leikjaiðnaðinn. Það sem mér fannst merkilegast við þá grein er að sko.. maður er búinn að skoða billjón greinar á netinu um hversu gott er að koma til íslands eftir hrunið af því allt er svo ódýrt jadíjadí og svo er viðtal við sturlu trukkara eða nornina um hvað allt er hörmulegt og fjallað um hversu margir eru að flýja land

þessi grein byrjar á summary um hrunið en svo kemur:
"But the people living here are looking forward, not back, and working on building industries to which their national character is more naturally suited. If the place you call home is a volcanic island prone to unpredictable circumstances, you have to be able to adapt to the environment."

ástæðan fyrir þessu er auðvitað sú að þessir blaðamenn eru að tala við annað fólk en hinir sem sækjast bara eftir dómsdagsspám og kreppurúnki.

mikið óskaplega gladdi þetta mig, mér finnst nefnilega fólk vera miklu jákvæðara en fréttir og bloggarar halda fram, ætli þar haldi ekki bara kenningin um háværa minnihlutann.
kl. 21:49 | holla ( 1 )

20.
des

ég gerði tilraun til að sigra vestursúlu með vinnufélaga í dag (djók, það er ekki eins og þetta sé neitt voðalega ósigrandi fjall) en það var fokking kalt.. spáin sagði -12 gráður og 16m/s.. aðkoman er ansi löng en svo er mjög straight forward tölt uppá topp eftir einhverjum hrygg þarna..

vindurinn ágerðist samt alltaf eftir því sem ofar dró og svo kom sá tími að hann spurði mig hvort við ættum að klára þetta.. og ég sagði "JÁ ÞAÐ ER SVO STUTT EFTIR!!" (við erum að tala um svona 10 mínútna labb).. tókum örfá skref í viðbót en þá vorum við alveg hætt að geta staðið þarna fyrir roki..

það voru því pínu svekktir vinnufélagar sem snéru við rétt við toppinn.. annar með grýlukerti á augnhárunum og hinn með frosið hor í andlitinu (ok þessi með frosna horið var ég)

skrýtið, vindur næst voðalega illa á mynd

kl. 18:16 | holla ( 2 )

19.
des

mér finnst þessi maður besta dæmið um allt sem er slæmt við blogg á íslandi og þjóðfélagsumræðu á netinu
kl. 23:27 | holla ( 5 )

ég veit ekki alveg hvað mig langar í í jólagjöf (annað en hvítan audi a5) en ég veit allavega að mig langar ekki í neitt héðan

merkilegt hvað smekkur manna er misjafn, meðan þessi kona er að slá í gegn í hollywood og what not með þessa skó, þá finnst mér þetta possibly það ljótasta sem ég hef séð

kv, jákvæða jólakonan
kl. 20:30 | holla ( 4 )

Ást

mBlog

Nýjar myndir

Fab 5

Safnið