katrín.is

interneeeet

Katrín — Fri, 11 Nov 2011 23:05:23 +0000

ég er oft búin að pæla í því að mig langar að byrja að blogga aftur en fannst tilhugsunin eitthvað yfirþyrmadi. mér fannst einhvern veginn eins og blogg þyrfti að vera eitthvað langt og innihaldsríkt, sem er eiginlega alveg fáránlegt svona miðað við hvernig mín blogg saga er. ég er sennilega sá bloggari sem var hvað helst duglegur í knappbloggum.

ég er eiginlega orðin leið á facebook, þetta nýja kókaínfeed til hægri er með alltof mikið af irrelevant upplýsingum fyrir mig og aðalfeedið var orðið eitthvað meira boring, veit ekki alveg hvað það er..

..þannig ég var búin að vera að færa mig smá á twitter, en maður er svolítið takmarkaður þar með bara 140 stafi.

hvernig væri þá að fara að henda bara út því sem mig langar að segja frá hingað? þó það séu bara ein til tvær línur?

mig vantar reyndar að laga themeið á þessu bloggi, ég bara þoli ekki að hafa þetta svona half-assed, mun gera það þegar ég finn theme sem mig langar að nota.. þangað til verð ég bara að þola þetta.

en þá kemur að því sem mig langaði að segja! ég beit það í mig að dans dans dans væri í kvöld. ég er ekki með sjónvarp (og hef ekki verið með síðustu 2 árin eða svo) þannig ég gladdist smá yfir að rúv væri búið að laga síðuna sína þannig það væri ekkert mál að horfa á sjónvarp í beinni. startaði vídjóinu og við mér blasti vilhjálmur bjarnason og tveir aðrir. ég furðaði mig á því í svona 5 sekúndur hvaða snilling datt eiginlega í hug að hafa hann sem aukadómara í dans dans dans þar til ég fattaði þetta var útsvar sem ég var að horfa á.

10 ár á interneti

Katrín — Mon, 04 Jul 2011 23:09:03 +0000

ég er búin að vanrækja þetta blogg mitt svo hrikalega að ég tók ekki einu sinni eftir því þegar það átti 10 ára afmæli um daginn (þann 20. júní).

alla vega.. ef það er ekki móment til að henda í smá færslu þá veit ég ekki hvað.. best væri náttúrulega að reminisce og líta yfir farinn veg en ég nenni því ekki.. þvílíkur metnaður!

það var svo miklu skemmtilegra samt að blogga back in the days þegar moggabloggið var ekki búið að eyðileggja blogg.. og bara svona áður en pöpullinn fór að hanga á internetinu.. en djöfull er ég búin að eiga skemmtileg móment tengd þessu bloggi þannig mér þykir nú dulítið (mikið) vænt um það.. og líka búin að kynnast fullt af skemmtilegu fólki í gegnum það (allt fólk sem var virkt á netinu fyrir 10 árum)

kannski kemur andinn einhvern tímann yfir mig aftur?

vonandi!

Beini

Katrín — Fri, 01 Apr 2011 16:07:00 +0000

í dag hugsa ég til góðs vinar

fanfest

Katrín — Sat, 26 Mar 2011 20:01:05 +0000

fanfest 2011 er alveg að klárast.. sem er mjög sorglegt því það er búið að vera svoooo gaman! búin að horfa á fáránlega kláru vinnufélaga mína gera það sem þeir eru bestir í og hitta fullt af skemmtilegum spilurum..

ég verð eiginlega að nota tækifærið og prufa í fyrsta skipti að embedda vídjói í þetta wordpress, aðallega af því þetta vídjó er fokking geðveikt!

(yay it works!)

wördpress

Katrín — Tue, 15 Mar 2011 00:32:01 +0000

the mighty katrin.is komin á wordpress… það þarf samt eitthvað aðeins að lappa uppá lúkkið hérna! er bara eitthvað default theme þar til ég hef tíma til að gera þetta fínt. Hvaða wordpress plugins og svona ætti ég að nota? ég er bara búin að bæta við like takka, mjög nauðsynlegt!

whistler

Katrín — Sun, 13 Feb 2011 13:28:08 +0000

fyrir tæpum tveimur árum lá ég að paradísareyjunni Zanzibar og hugsaði “ef ég gifti mig einhvern tímann, þá ætla ég í brúðkaupsferð einhverstaðar þar sem er kalt”

hérna er smá brot úr dagbókinni minni frá 25. mars 2009
“Sko hitinn hérna er ótrúlegur, maður er alltaf með lekandi svita í andlitinu, alveg fáránlegt, maður er meira að segja hættur að finna fyrir því! Ég ég held ég fíli bara betur 10 stiga frost í Bláfjöllum og frostbitnar kinnar.”

maðurinn minn er auðvitað á sama máli, þannig á miðvikudaginn höldum við í síðbúna brúðkaupsferð til…. TADA:

WHISTLER!

(myndin er af manninum mínum þegar hann fór í vettfangsferð til Whistler í fyrra)

ég hlakka sjúkt til!

(btw ekki láta ykkur dreyma um að brjótast inn til mín, ég er löhöngu búin að buffa sekjúritasið mitt og er með awesome nágrannavörslu)

stjórnlagaþing

Katrín — Sat, 27 Nov 2010 15:49:56 +0000

ef menn eru ekki búnir að kjósa til stjórnlagaþings þá styð ég Vilhjálm Þorsteinsson 2325

skipting stýrikerfa

Katrín — Sat, 27 Nov 2010 15:45:31 +0000

eoe gerði smá tjekk á skiptingu stýrikerfa þeirra sem heimsækja síðurnar hans.. pínu sniðugt að katrin.is var næstum alveg eins og eoe.is eða:

Win : 66%
Mac : 32%
Linux : 1%
Rest : 1%

browserarnir skiptast svona

Firefox : 42%
Explorer : 24%
Safari : 18%
Chrome : 15%
Opera : 1%

speki völu grand

Katrín — Fri, 26 Nov 2010 21:42:30 +0000

“hæ ísland! er ekki tími til að hætta að dæma um einhver skilning sem við skiljum ekki? alla vega finnst mér það. svo enginn aðrir særist. stundum er það sem við skiljum ekki og dæmum við getum sett aðra. en er ekki best að reyna að skilja og setja okkur í spor aðra sem eru sérstök, eins og ég, og reynt að elska eða hata út á skilningaleysi. alla vega finnst mér það.”

- vala grand

falleg speki:)

character creator

Katrín — Fri, 26 Nov 2010 18:23:24 +0000

í vinnunni er ég í liðinu sem er að gera nýjan kick ass character creator

smá um hann hér (vídjóið bjó spilari til af test servernum okkar)

það er sko fáránlega gaman að leika sér við að búa til allskonar charactera og áðan datt ég íða og bjó til mig. close enough?

character creatorinn er reyndar svo ógeðslega flottur að ég er ekkert smá stollt af því að geta horft til baka seinna og sagt að ég hafi tekið þátt í að búa þetta til:)