katrín.is

á þriðjudaginn ákváðum við sissi, ragna og steinn að rúlla inní Þórsmörk til að skoða gosið úr fjarska.. þegar við komum þangað (kl ca 22) þá var blankalogn og alveg heiðskýrt.. mega næs veður.. þannig okkur fannst ekki hægt að sleppa tækifærinu og ákváðum að rölta upp að gosinu.

leiðin þarna upp er náttúrulega ótrúlega skemmtileg, töluvert tæknilegri en leiðin frá Skógum en miklu styttri. reyndar var niðamyrkur alla leiðina svo við sáum ekki mikið meira en hausljósið lýsti.

Það var alveg bunki af fólki á leiðinni niður þegar við vorum á leiðinni upp en þegar ofar dró þá fór liðinu eitthvað fækkandi..

nánast alla leiðina upp sáum við í toppinn á gosinu fyrir ofan Bröttufönn þannig við vorum orðin ansi spennt að sjá herlegheitin.. þegar komið er á Morinsheiði sést hraunfoss sem er mjög flottur en samt ekkert ótrúlegur.. á þessum tímapunkti var líka tunglið komið og smá norðurljós.. frekar magnað

við röltum áfram, yfir Heljarkamb og upp Bröttufönn. Brattafönn ber alveg nafn með rentu og það væri ekki sjens að labba þarna upp núna nema á broddum ef það væri ekki aska yfir öllu.

þegar maður er kominn upp á Bröttufönn opnast alltí einu allt fyrir manni, maður sér rauðglóandi hraunána sem rennur úr gosinu og svo auðvitað gosið sjálft.. og hljóðin sem heyrast eru alveg geggjuð, gaman að upplifa náttúruna svona

við tjilluðum þarna í örugglega 45 mínútur og tókum myndir (vorum nokkuð vel sett með dún og þannig svo okkur varð ekkert mega kalt, bara pínu)

að standa uppá hól, bara fjögur í heiminum, og horfa á eldgos er eitt það magnaðasta sem ég hef upplifað. að það hafi verið fullt tungl og logn í þokkabót gerði þetta ennþá ótrúlegra (og félagsskapurinn auðvitað)

við dúndruðum svo aftur niður í bíl og vorum komin í bæinn ca hálf 8

það er svo fáránlega skemmtilegt að gera eitthvað svona spontant og það heppnast svona vel

annars er ég svo lukkuleg með marsmánuðinn, það er ansi vel af sér vikið að ná að standa á toppnum á Kilimanjaro, verða Íslandsmeistari og sjá eldgos í návígi í einum og sama mánuðinum!

kl. 00:46 | holla ( 0 )

Ást

mBlog

Nýjar myndir

Fab 5

Safnið